大吃大喝的假期

這幾天假期，天天逛街，雙腳有點痛...
而且食不停口，唔知點解，差不多日日都有食芝士，d零食令人越食越肚餓...
聖誕party無聊中渡過，原來玩米芝蓮、大力士bb真係可以玩成日，喜歡笑的baby最抵錫。
高級的朱古力&芝士火鍋，落在大家之手，原來可以那麼草根，i love that!

2010年快開始了，祝願一切安好。

wow~任玩唔喊的baby


高級的芝士火鍋

有點糟

成日塞車，又唔可以唔搭巴士，令我好火滾。

成日塗睫毛液，都會甩左在眼袋位，成為黑眼圈，樣衰衰咁~

行左好耐，也買不到抽獎禮物，反而買了很多無謂野比自己，唉~其實我好怕買禮物。

那位咖喱怒漢，使我有點心虛....

食極都唔飽....

迪士尼提早過聖誕

數數下已是第四次去迪士尼了，呵呵呵~真的lucky~
不過今次是跟同事去的，是PR 請我們去的，有得去翠樂庭食BUFFET 呢~超開心!都幾多野食BOR~加上個場好靚，又有聖誕版米奇米妮。
今年不太凍，不過入到去真的充滿聖誕氣氛，大街人頭湧湧，第一次在晚上玩jungle 探險，原來更加有驚喜呢~另外，我終於摸通玩巴斯光年激光射槍的竅門! 我以後不會是最低分的了!yeah!!今年眼鏡是透心形的，加上煙花，so romanic~
迪士尼真係百去不厭，可以每年去一次就好了，之前也擔心同同事去會有悶場，但又其實又幾好玩bor~始終投入去玩，才會開心的。

大家話齋，從夢幻樂園列車出來，又回到殘酷的世界，我仲有大稿好多未寫....


聖誕三眼仔，好得意。


靚靚米妮~

生日好快樂

同事送的免費蛋糕，都幾靚bor~

今天生日好hea啊! 原本請假想shopping或睇戲，不過自己太懶，在家hea了一天，只在晚上終於準時學relaxing 的瑜伽，就開開心心過了平靜的生日。
其實好開心大家之前幫我慶生，食了我最喜愛之熱氣小炒，有點貴，要大家破費了，不好意思呢!我們是餓鬼投胎..碟餸在 3 分鐘內KO，同時因為是宮心計之夜，我覺得氣氛特別緊湊...毫無冷場。今年第一次食PAT PAT壽包慶祝，很有趣。

不知不覺已廿八歲了，其實我的心境完全reach 不到呢! 可是我最喜歡現在的自己，不會因為年紀而改變。
要改的，是自己的直言、忟憎、冒失、無心肝，會不小心傷害人或帶比人麻煩..不過我覺得係改唔到的，大家惟有忍耐下啦~


媽媽送給我的，她很可愛，而我是很幸福的。

呀~還有多謝上天，帶給了我身邊的好朋友、好同事。